Толық трансформаторлық қосалқы станциялар

 

"2КТП-1000/6/0,4 толық жинақталған трансформаторлық қосалқы станциясы (әрқайсысы 1000кВА екі трансформатормен жабдықталған, әрі қарай "қосалқы станция" деп аталады) мына құрамда өндірілген:

    • 1000кВА қуатындағы 2 электр трансформаторы;
    • ЖОҚ-6кВ (жоғары вольтті қондырғы);
    • ТОҚ-0,4кВ (төмен вольтті қондырғы).

ҚТП бұл бөлшектеусіз типтегі мобильді құрылыс. Ол елді мекен ішінде де, сыртында да тікелей атмосфералық жауын-шашын әсерінен қорғалған жағдайда пайдалануға арналған. Қосалқы станция ішінде тарату қондырғылары мен электр трансформаторлары орнатылған.

 

Қосалқы станция әртүрлі тұтынушыларды, соның ішінде:

Мұнай-газ саласын Көлік инфрақұрылымын Өндірістік кәсіпорындарды Тау-кен өнеркәсібін
 

 

 

Өнімнің құрамы

Қосалқы станция каркасқа орнатылған модульді құрылыс болып табылады. Каркас пен қабырғалар полиэфирлі ұнтақ бояумен жабылған прокаттанған болаттан жасалған, ал төбесі мысқалды прокаттанған болаттан. Каркас тікбұрышты қималы құбырлардан дәнекерленіп, оған болат парақтардан жасалған қабырғалар дәнекерленген. Жүктеме-түсіру жұмыстары ГОСТ 12.3.009-76 талаптарына сәйкес жүргізілуі тиіс. Қосалқы станция СТ РК 2703-2015 стандартының талаптарына сәйкес келеді.

Қауіпсіздіктің жалпы талаптары өндірістік жабдық бөлімі бойынша ГОСТ 12.2.003 талаптарына сәйкес келеді.

 

Қосалқы станцияның функционалдық құрамы:

  • ҚТП ғимаратының энергетикалық сұлбасы;
  • 1000 кВА қуатындағы 2 электр трансформаторы;
  • 6 кВ ЖОҚ (жоғары вольтті қондырғы);
  • 0,4 кВ ТОҚ (төмен вольтті қондырғы).

 

Ғимарат ішінде металл қалқамалар бар. Трансформатор бөлімі ЖОҚ-6кВ бөлімінен және ТОҚ-0,4кВ бөлімінен бөлектелген. Әр бөлімге есік арқылы қатынауға болады.

Жабдықтар тізімі:

  1. 0,4кВ ТОҚ (төмен вольтті қондырғы);
  2. 4000кВА-ға дейінгі электр трансформаторы;
  3. 6кВ ЖОҚ (жоғары вольтті қондырғы).
Жабдықтар орнатылған қосалқы станцияның компоновкасы.

 

 

1. 6кВ ЖОҚ КСО шкафы
Үш фазалы айнымалы токты (жиілігі 50 Гц, номиналды кернеуі 6 кВ) қабылдауға және таратуға арналған. Ол изоляцияланған немесе доға сөндіру реакторы арқылы жерге қосылған бейтарап жүйелерге қолданылады. Шығатын қосылымның қорғанысы ерітілгіш сақтандырғыш арқылы жүзеге асырылады.

2. ТМГ-1000/6 трансформаторы
Майлы герметикалық үш фазалы электр трансформаторы. Энергетика саласына және электр станцияларының өз қажеттіліктеріне арналған. Табиғи майлы және ауамен салқындатылатын трансформаторлар климаты тұрақсыз аймақтарда орналасқан елді мекендерді электрмен қамтамасыз ету үшін қолданылады.

3. 0,4кВ ТОҚ
380В кернеулі, 50Гц өнеркәсіптік жиілікті айнымалы токты қабылдауға және таратуға арналған. Өнеркәсіптік атмосфера жағдайларында жұмыс істеуге бейімделген.

 

Техникалық сипаттамалары:

Параметр атауы Параметр мәні
Электр трансформаторының қуаты, кВА 25 160 250 400 630 1000 1250 1600
ЖОҚ жағының номиналды кернеуі, кВ
 6,0; 10,0
ЖОҚ жағының ең жоғары жұмыс кернеуі 7,2; 12,0
ТОҚ жағының номиналды кернеуі, кВ 0,4
Тірек шиналар тогы (ТОҚ жағында), кА 0,15 0,23 0,36 0,58 0,91 1,44 1,81 2,31
ЖОҚ жағының термиялық төзімділік тогы, кА (1 секунд ішінде)
 16, 21, 25
ЖОҚ жағының электродинамикалық төзімділік тогы, кА 51,0
ТОҚ жағының термиялық төзімділік тогы, кА (1 секунд ішінде) 10 25 30 50
Қорғаныс дәрежесі IP34

 

Қосалқы станцияның жұмысы мынадай жағдайларда қамтамасыз етіледі:

  • Теңіз деңгейінен биіктік – 1000 м-ден аспауы тиіс;
  • Қоршаған ауа температурасы – минус 60 °С-тан плюс 40 °С-қа дейін;
  • Ауаның салыстырмалы ылғалдылығы – плюс 25 °С-та 100%;
  • Желдің жылдамдығы – 50 м/с-тан аспауы керек;
  • Қоршаған орта – жарылғыш емес, электр өткізетін шаңдарсыз, металл мен изоляцияны бұзатын агрессивті газдар мен булардың концентрациясы жоқ.